Barasoain Church Official Website

Mga Iskultura sa Simbahan

Higit na kapansin-pasin ang komulgatoryo, pulpito at ang koro na nanananatiling bahagi ng simbahan ng barasoain hanggang sa panahon ito. Sa pagtatapos ng ika-2 konsilyo batikano na dinadaluhan ng mga Obispo, cardinal at mga dalubhasa sa buong mundo, isa sa mga nabuo ay ang malawakang pagbabago sa pagdiriwang ng liturhiya ng simbahan. Ang mga pagbabagong ito ay inilunsad upang makatugon sa pangangailangang pastoral ng mga mananampalataya at upang higit na maging makahulugan at mananampalataya at upang higit na maging makahulugan at makabuluhan ang pagdiriwang ng bawat liturhiya.

Ang pulpito ay napalitan ng hapag ng salita ng diyos kung saan ang bawal na kasulatan ay ipinapahayg at ipinaliliwanag ng ministro.

Ang koro, na dati ay tila nasa kaitaasan ng kalangitan, ngayon ay hindi na ginagamit upang ang mga mang-aawit ng parokya ay isama sa gitna ng mga tao sa pakikibahagi sa pag- awit at pagtugon sa banal na misa. Ang komulgatoryo na tila ba naghihiwalay sa tao sa kanyang diyos, ngayon ay piping saksi na lamang sa tunay na pakikipagtagpo at komunyon ng tao kay kristo sa banal na eukaristiya. Ang buong kapaligiran katulad ng kisame at mga dingding ay puno ng mga larawan ng mga misteryo ng Sto. Rosaryo at ng Via Crucis na nagpapaalala at nagtuturo sa mga tao ng mga misteryo n gating pananampalataya.

Sa gilid ng simbahan ay matatagpuan ang malawak na hardin na madalas na pinagdarausan ng mga kasalan, binyangan, at iba pang pagtitipon sa parokya. Nakaugnay rin sa simbahan ang maluwang na kumbento na noong una ay tirahan ng mga paring nakahimpil ditto subalit dahil sa ginampanan nito sa kasaysayan n gating bansa, ngayon ay tinanghal nang isang museo upang paglagakan ng mga alaala ng unang kongreso ng malolos. Dahil ditto, kinailangang itayo ang isang bagong kumbento upang magamit ng mga paring sa ngayo'y nangangalaga sa parokya ng mahal na birhen ng del Carmen.